Бу саҳифада биз нисбатан енгил ҳуқуқбузарлик учун солинувчи жарималар рўйхатини кўриб чиқдик.

Иккинчи қисмда йўл ҳаракати қоидаларининг нисбатан жиддий бузилишлари ҳолатида солинувчи жарималар ҳақида маълумот берамиз.



1 Транспорт воситаларининг тўхташ ёки тўхтаб туриш қоидаларини бузилишига энг кам иш ҳақининг уч баробари(355 200 сўм) миқдорида жарима солинади
2 Агар ҳайдовчи бир йил давомида худди шундай қоидани такроран бузса, жарима миқдори энг кам иш ҳақининг беш баробарини ташкил этади (592 000 сўм)
3 Транспорт воситалари ҳайдовчиларининг, жумладан, мотоцикл ҳайдовчиларининг йўлларда йўл ҳаракати хавфсизлигига таҳдид солувчи ёки авария ҳолатини келтириб чиқарувчи гуруҳ бўлиб ҳаракат қилишда қатнашиши энг кам иш ҳақининг уч баробари миқдорида жарима солинишига сабаб бўлади (355 200 сўм)
4 Ҳайдовчиларнинг темир йўлнинг ўтиш жойларидан ўтиш қоидаларини бузиши энг кам иш ҳақининг уч баробари миқдорида жарима солишга сабаб бўлади (355 200 сўм)
5 Транспорт воситаларини бошқариш ҳуқуқи бўлмаган шахсларнинг уларни бошқариши, шунингдек, бошқариш ҳуқуқи бўлмаган шахсга транспорт воситаларини бошқаришнинг топширилиши энг кам иш ҳақининг уч баробари(355 200 сўм)миқдорида жарима солинишига сабаб бўлади
6 Агар транспорт воситаларини бошқариш ҳуқуқидан маҳрум этилган шахслар бундай воситаларни бошқарса энг кам иш ҳақининг беш баробари(592 000 сўм)миқдорида жаримага тортилади
7 Мопед, велосипед ҳайдовчининг, уловли аравани бошқариб борувчи шахснинг алкоголли ичимликдан, гиёҳванд модда таъсиридан ёки ўзгача тарзда маст бўлган ҳолда йўл ҳаракати қоидаларини бузиши энг кам иш ҳақининг уч баробари миқдорида жарима солинишига сабаб бўлади (355 200 сўм)
8 Агар ҳайдовчи фойдаланиш тақиқланган транспорт воситасини бошқарса, шунингдек, давлат рақами белгиси ўзбошимчалик билан ечиб олинган транспорт воситаларини бошқарса энг кам иш ҳақининг беш баробари(592 000 сўм)миқдорида жарима солинишга сабаб бўлади
9 Юк ташиш қоидалари ва шатакка олиш қоидаларини бузиш энг кам иш ҳақининг беш баробари миқдорида жарима солишга сабаб бўлади (592 000 сўм)
10 Ҳаракат тезлигини соатига 20 километрдан ортиқ, лекин 40 километрдан кўп бўлмаган катталикда ошириб юбориш энг кам иш ҳақининг беш баробари миқдорида жарима солишга сабаб бўлади (592 000 сўм)
11 Ҳайдовчиларининг светофорнинг тақиқловчи сигналига ёки йўл ҳаракатини тартибга солувчининг тақиқловчи ишорасига бўйсунмасдан ўтиши бир йил давомида такрор содир этилган бўлса энг кам иш ҳақининг беш баробари миқдорида жарима солинишига сабаб бўлади (592 000 сўм)
12 Агар ҳайдовчи тўсқинликсиз ҳаракат қилиш ҳуқуқидан фойдаланадиган транспорт воситаларининг ўтиб кетишига халақит берса энг кам иш ҳақининг беш баробари(592 000 сўм) миқдорида жаримага тортилади (592 000 сўм)