Bu sahifada biz nisbatan yengil huquqbuzarlik uchun solinuvchi jarimalar ro‘yxatini ko‘rib chiqdik.

Ikkinchi qismda yo‘l harakati qoidalarining nisbatan jiddiy buzilishlari holatida solinuvchi jarimalar haqida ma’lumot beramiz.



1 Transport vositalarining to‘xtash yoki to‘xtab turish qoidalarini buzilishiga eng kam ish haqining uch barobari (355 200 so‘m) miqdorida jarima solinadi
2 Agar haydovchi bir yil davomida xuddi shunday qoidani takroran buzsa, jarima miqdori eng kam ish haqining besh barobarini tashkil etadi (592 000 so'm)
3 Transport vositalari haydovchilarining, jumladan, mototsikl haydovchilarining yo‘llarda yo‘l harakati xavfsizligiga tahdid soluvchi yoki avariya holatini keltirib chiqaruvchi guruh bo‘lib harakat qilishda qatnashishi eng kam ish haqining uch barobari miqdorida jarima solinishiga sabab bo‘ladi (355 200 so'm)
4 Haydovchilarning temir yo‘lning o‘tish joylaridan o‘tish qoidalarini buzishi eng kam ish haqining uch barobari miqdorida jarima solishga sabab bo‘ladi (355 200 so'm)
5 Transport vositalarini boshqarish huquqi bo‘lmagan shaxslarning ularni boshqarishi, shuningdek, boshqarish huquqi bo‘lmagan shaxsga transport vositalarini boshqarishning topshirilishi eng kam ish haqining uch barobari (355 200 so‘m) miqdorida jarima solinishiga sabab bo‘ladi
6 Agar transport vositalarini boshqarish huquqidan mahrum etilgan shaxslar bunday vositalarni boshqarsa eng kam ish haqining besh barobari (592 000 so‘m) miqdorida jarimaga tortiladi
7 Moped, velosiped haydovchining, ulovli aravani boshqarib boruvchi shaxsning alkogolli ichimlikdan, giyohvand modda ta’siridan yoki o‘zgacha tarzda mast bo‘lgan holda yo‘l harakati qoidalarini buzishi eng kam ish haqining uch barobari miqdorida jarima solinishiga sabab bo‘ladi (355 200 so'm)
8 Agar haydovchi foydalanish taqiqlangan transport vositasini boshqarsa, shuningdek, davlat raqami belgisi o‘zboshimchalik bilan yechib olingan transport vositalarini boshqarsa eng kam ish haqining besh barobari (592 000 so‘m) miqdorida jarima solinishga sabab bo‘ladi
9 Yuk tashish qoidalari va shatakka olish qoidalarini buzish eng kam ish haqining besh barobari miqdorida jarima solishga sabab bo‘ladi (592 000 so'm)
10 Harakat tezligini soatiga 20 kilometrdan ortiq, lekin 40 kilometrdan ko‘p bo‘lmagan kattalikda oshirib yuborish eng kam ish haqining besh barobari miqdorida jarima solishga sabab bo‘ladi (592 000 so'm)
11 Haydovchilarining svetoforning taqiqlovchi signaliga yoki yo‘l harakatini tartibga soluvchining taqiqlovchi ishorasiga bo‘ysunmasdan o‘tishi bir yil davomida takror sodir etilgan bo‘lsa eng kam ish haqining besh barobari miqdorida jarima solinishiga sabab bo‘ladi (592 000 so'm)
12 Agar haydovchi to‘sqinliksiz harakat qilish huquqidan foydalanadigan transport vositalarining o‘tib ketishiga xalaqit bersa eng kam ish haqining besh barobari (592 000 so‘m) miqdorida jarimaga tortiladi